Chhiatna thlen dan inhrilhfiah hnu ah en ho

Cyclone Remal avanga Mizorama chhiatna thlen dan enfiaha sawrkar laipui tirha rawn kal Central Team leh Mizoram sawrkar hnuaia hemi chungchanga a kaihhnawih department hotute chu Inrinni khan an thukhawm.
Thutkhawm uaptu Disaster Management & Rehibilitation minister K Sapdanga chuan state sawrkar aiawhin Cyclone Remal avanga chhiatna liantham thlen dan, kawngpui, tuilakna, electric hruipui leh khawl chhia siamthat ngai bakah an thlawhhma tuilianin a tih chhiat dan a sawi a. Mizoramin cyclone a tawrhna chu rin phak bakin a nasa a, Central Team-in a hmunah an rawn endik thei chu lawmawm a tih thu a sawi.
New Delhi-a kal chief minister Pu Lalduhoma pawhin Union Home minister Amit Shah hnenah memorandum a thehlut tih DM&R minister hian a sawi a. Tuna chhiatrupna thlengah hian nunna 34 kan chan bakah thil tihchhiat a nei nasa a. Hmunhma leh hmanraw chhiate siamthatna atan cheng tam tak sen a ngai dawn a. State leh National Disaster Response Fund rate angin mamawh chhutchhuah a, ngenna siam a ni tih a sawi. Cyclone Remal vanga Mizorama chhiatna thawmthat nan hian a tlem thei ang bera chhutin cheng vaibelchhe 237.6 an duang tih a sawi a ni.
Central ministry hrang hrang aiawh Inter- Ministerial Team hi Ministry of Home Affairs joint secretary Abhijit Sinha chuan a rawn ho a. Powerpoint presentation nen a kaihhnawih department hotuten chhiatna thlen dan hi an sawifiah a. Siamthat hna thawhna tura mamawh zat an sawi bawk. Sawiho chhunzawm a nih hnu ah a huhoin Melthum, Hlimen, Kulikawn leh ITI Venga chhiatna thlen dan a hmunah an en ho a ni.
Pathianni khan Greater Aizawl Water Supply Scheme Phase I & II, SIPMIU 37 MLDB Pump House, Setlak bakah Aizawl – Muallungthu – Khumtung inkar kawng leh Aibawk – Darlung inkar kawng chhiat dan an endik chhunzawm a. GAWSS Phase