Israel airstrike vangin 38 thi

Israel air strike-in Gaza City a building a den avangin mi 38 chuangin nunna an chan tiin Hamas te chuan an sawi.
Israeli military te thung chuan indo thlawhna hmangin Hamas military infrastructure beih a ni a, a kimchangin la tarlan a ni ang a ti ve thung.
Gaza civil defence thupuangtu chuan Gaza a refugee camp al-Shati a residential block tum tam kahfuh a ni a ti ve thung a. Hei mai bakah hian missile chuan al-Tuffah district a chenna in pawh a kap fuh tiin Hamas sorkar chuan a tarlang bawk.
Israel missile kah avanga nunna chan mi 42 an tling tawh tia sawi a ni a. Israeli media te chuan air strike chuan senior Hamas official te a thlurbing tiin an sawi ve thung a.
Hussein Muhaisen, civil defence thupuangtu chuan Israel misisle kah nghawng chu ‘lirnghing ang mai a ni’ a ti a. “Area pumpui thlurbingin a awm a, chenna in tihchiat niin chhungkaw tam tak chu inchim in a la delh a ni” tiin a sawi.
“Hliam tuar thenkhatte chu baptist Hospital panpui niin hliam tuar leh tang te lakchhuah tuma chetlak zel niin mahse hmanrua tha leh ambulance duhtawk awm lo avaign harsatna nasa tak kan tawk a ni” tiin a sawi bawk.
Hetih lai hian EU foreign policy chief Joseph Borrell chuan EU chuan karkalta Zirtawpnia International Committee of the Red Cross (ICRC) office Gaza a awm kah a nih avanga mi 22 in nunna an chan chu a dem thu a sawi a.
Borrell ICRC beitute chu hrechiang tura chhui ngei ni se ti bawkin hremna an phutawk pek tur a ti bawk.
Inrinni kalta khan Israel Defense Forces (IDF) te chuan al-Mawasi chhehvel southern Gaza a inkahna chu an chhuichian thu leh mahse IDF te chuan Red Cross facility pakhatmah khawih an nei lo a ti thung.