Ruihhlo do Ni ah ruihhlo halral

Khawvel huapa ruihhlo tih leh a tawlhruk dona Ni denchhenin Nilaini khan Excise & Narcotics Department leh Mizoram Police chuan ruihhlo an man sa, court-a case chinfel tawh chin an halral.
Excise & Narcotics Department hian Bethani Multipurpose Farm Phunchawngah court-a chinfel tawh ruihhlo chi hrang hrang chu Excise & Narcotics secretary Lalramsanga Sailo chuan a halral a. Heroin, ganja, methamphetamine bakah ruih nana hman damdawi tui leh mum engemawzat bakah ruihhlo siam nana hman chi te a ni.
Mizoram Police hian Aizawl Zoological Park Lungverh Aizawla incinerator-ah IGP Lalbiakthanga Khiangte chuan a halral. Tun tuma halral hi CID Crime, Aizawl DEF, Saitual DEF, Hnahthial DEF leh Lunglei DEF ten ruihhlo an man a ni a. An ni pawh hian Heroin, ganja, methamphetamine leh opium bakah ruih nana hman damdawi tui leh mum engemawzat bakah ruihhlo siam nana hman chi te a ni.
Nilaini vek khan district headquarters hrang hrangah Mizoram Police hian ruihhlo an man an halral bawk.

END halral
Heroin kg. 40.777
Ganja kg. 468.751
Meth kg. 187.478
Crystal Meth kg. 10.203
Pseudoephedrine kg. 5.943
Bruprenorphene gm 4.440
Total : Rs. 39,86,38,689.55
Mizoram Police man
Heroin kg. 12.968
Meth kg. 77.588
Ganja kg. 108.437
Total : Rs. 14,03,25,585
Hmun danga police hal
Heroin kg. 41.446
Ganja kg. 124.965
Meth kg. 150.242
CrystalMeth kg. 36.251
Opium kg. 2.918
Total : Rs. 1,40,79,97,842