A reh vang vang hnuah Covid rawn lang leh

Kuminah covid 19 a reh vang vang a, hun engemaw chen a reh hnuah tun hnaiah a rawn inlan leh. Mahse hri a leng leh tia sawi tur chu a ni lo, mithiamte’n an ti.
Tun hnaiah Mizoramah Covid-19 hri vei hmuhchhuah an awm leh a, mahse an tam lo. Thawhlehni, July ni 9-ah khan hri vei mek zat chu pakhat a ni.
Tun thlaah hri vei hriatchhuah an awm leh zeuh zeuh a, hun engemaw chen hri vei hriatchhuah an awm loh hnuah July ni 4 khan hriatchhuah paruk an awm. Hemi hnu hi chuan hri vei mek an la awm zel rih.
Kuminah February ni 9-ah khan hri vei hriatchhuah pakhat a awm a, February ni 15-ah pakhat hriatchhuah a ni leh. February ni 9-a hriatchhuah hi February ni 16-ah damin a chhuak a, February ni 15-a hriatchhuah hi February ni 23-ah damin a chhuak. Chumi hnuah chuan hri vei hriatchhuah an awm ta lo vang vang a, tun thlaah an awm leh ta a ni.
IDSP te’n an chhinchhiah danin, July ni 4-ah hri vei mek mi paruk an awm a, July ni 7-ah mi pahnih, July ni 8-ah mi pakhat a awm.
Tun thlaa hriatchhuahte hi Aizawl district-a mi vek an ni a, thu dawn danin, natna dang vanga damdawi ina awm, an awm danah Covid-19 i lo vei palh takin an tih avanga an enfiah (test) an ni hlawm.
Kumina hriatchhuah hmasak ber chu January ni 19-a hriatchhuah a ni a, ani hi nikum October ni 19 hnua hri vei hriatchhuah hmasak ber a ni. January ni 24-ah khan hriatchhuah pakhat a awm bawk a, ani hi January ni 31-ah damin a chhuak. Chumi hnu-ah chuan hri vei thar an awm ta lo vang vang a, February ni 9-ah an awm leh. February ni 15-ah hriatchhuah an awm leh a, a reh vang vang hnuah tun thlaah hriatchhuah an awm leh.
Doctor-te chuan Covid-19 hi Mizoramah a awm tawh avangin rawn lang leh zeuh zeuh tura ngaih a nih thu an sawi a, a vei hriatchhuah an awm hian mak tih tur a ni lo a, hri a darh leh tihna pawh a nih ngawt chuang lo, an ti.