Environment, Forest & Climate Change minister Lalthansanga chuan Thawhlehni khan MINECO-a Mizoram Pollution Control Board (MPCB) office a tlawh.
Minister hi MPCB chairman Liankima Lailung, IFS (Rtd) hoin hotu dang leh staff-ten an lo dawngsawng a, an office hmunhma leh an hnathawh dan a enfiah bakah an inkawm a ni.
MPCB member secretary C Lalduhawma’n Board inrelbawl dan leh hmalakna hrang hrang a hrilhfiah a. MPCB-in an mamawh leh an harsatna tawhte an lo thlen bawk.
Minister chuan MPCB hnathawh chu pawimawh a tih thu sawiin, tun aia nasa lehzuala mipui hriat theih tura intarchhuah uar turin a fuih. District dang tan pawh mipuiin awlsam zawka an dawr theihnan ruahmanna siam thiam a tul tih a sawi a. Thawktu indaih lohna leh thawktu tam zawk, project staff-te hmakhua leh hamthatna tur ngaipawimawhin a tul anga a lo bawhzui tur thu a sawi bawk.
Minister-in MPCB office tlawh
Get real time updates directly on you device, subscribe now.