Medical college-ah ruang tlachham

India rama medical college hrang hrangah te academic leh research atana mihring ruang tlakchhamna nasa tak a awm avangin Union Ministry of Health chuan States/Union Territories te chu hospital pawna nunna chan an awmah mipuite chu ruang donate tura ngenna siam turin a ngen.
Health Secretaries te hnena ngenna a siamah Director-General of Health Services Atul Goel chuan Union Government chuan nunna chanhim nan leh organ failure avanga tuarte tan organ donation uar a nih theih nan hma a la reng a. Case tam berah chuan organ donation chu brain stem dead patient te atang chauha tih theih te a ni tiin a sawi a.
Damdawi In pawna nunna chante zingah a tam ber chu organ donation kalpui theih lohna a ni fo va, damlo te Intensive Care Unit a dah an nih hma lungphu chawla thi te an ni fo a, drain stem death certification process hmaa thi hman te an ni thin.
Chenna ina thi an awm pawhin body donation chu kalpui theih tho a ni ti thungin, “Mihring thi tawh ruang chu academic leh research thil atan mamawh a ni a, medical professiona te teaching lamah a pui nasa thei a. India ramah mihring ruang zirnaa hman tur kan tlachham” tiin Prof Goel chuan a sawi.
State Health Secretaries tin te hnena ngenna asiamah organ donation a rem lo a nih pawhin body donation a awm theih nan hmala turin a ngen bawk a ni.
Thuchhuah dang siamah Health Ministry pawhin Indian Organ Donation Day chu August 3, 2024-ah hman tur a nih thu sawiin he mi ni hian “Angdaan Jan Jagrukta Abhiyaan” tiin public awareness campaign neih ni se an tih thu a sawi bawk a.
Healthcare system tichak turin organ donation leh transplantation chu Government of India in a ngaih pawimawh ber a ni, tiin Union Health Secretary Apurva Chandra chuan sawiin organ donation chu zahawm tak niin organ failure tuar mek te tana nun thar pe thei a ni tiin a sawi bawk.
“Organ donor pakhatin nunna 8 atanga 9 a chhanhim thei. Mahse, tunah chuan damlo organ transplant mamawh si organ donor hmu si lo inkar a zau lutuk a ni” tiin a sawi bawk.
Campaign an neiha an tum ber chu organ transplantation tihngai a tlem theih nana healthy lifestyle neih pawimawhna te, brain stem death awareness leh organ donation tlahniam zel chungchang te a ni bawk.