Tun hnaiah ruang chhar a tlem telh telh

Mi hriat lohva lo boral an awm thin a, chutianga vanduaina tawk, ruang chhar chu tun hnaiah a tlem telh telh.
Mizoram Police te chhinchhiahna enin, 2022 atang khan ruang chhar hi a tlem telh telh a, kum hmasa lam ngaihtuahin kuminah pawh a tlem rih.
2022-ah khan ruang chhar hi 65 a awm a, 2023-ah 54 a awm. Kuminah April thleng khan 22 a awm.
Ruang chharah hian mipa an tam zawk zel; 2022-a ruang chharah khan mipa 60 leh hmeichhia pathum an awm a, tu nge an nih hriat loh ruang pahnih a awm a, mipa leh hmeichhia an ni. 2023-ah mipa 46 leh hmeichhia panga an awm a, tu nge an nih hriat loh pathum, mipa pahnih leh hmeichhia pakhat an awm.
Kuminah hian mipa 20 leh hmeichhia pakhat an awm a, tu nge an nih hriat loh hi pakhat awm bawkin, mipa a ni.
2023-ah khan ruhro pahnih chhar a ni a, kuminah a la awm lo.
Vanneihthlak takin ruang chhar a pung lo a, lirthei chetsual vanga nunna chan zat pawh a tlem telh telh.
Police te’n an chhinchhiah danin, 2022-ah khan lirthei chesualah mi 117-in nunna an chan a, 2023-ah mi 96-in, kuminah May thla thlengin mi 53-in nunna an chan.

Ruang chhar zat

Kum Mipa Hmeichhia
2022 61 4
2023 48 6
2024 21 1
(Apr thleng)