Dan loa kuhva rah phura kal khap

Kolasib district huamchhungah dan phal loha kuhva rah phurh luh leh paltlang tum chu district magistrate-in a khap. Kudama awm sa pawh khawih chet awih a ni lo tih a sawi.
Kum 2019-a sawrkar laipui Ministry of Home Affairs leh Mizoram Home department-in a hrang ve vea hriattirna an tihchhuahah dan loa kuhva rah lakluh khap a tul thu tarlan niin, Kolasib district huamchhungah pawh ram pawn atanga dan loa kuhva lakluh titawp turin khapna thupek vawi tam chhuah a ni tawh a, theihtawpa hma lak mek niin, dan kalha hmalakna awm thei chi reng reng uar zawka khap a tul tih Kolasib district magistrate hian hriattirna a tichhuak.
Section 163 of Bharatiya Nagarik Surakha Sanhita 2023-in thuneihna a pek angin, 2024 July 12 khan Kolasib district huamchhungah dan phal lohin kuhva rah tumahin phur lut lo tur leh a paltlang nan hmang lo turin a ti.
An district huamchhungah mi tumahin ram pawn atanga lakluh kuhva (Burmese Areca nut) dah khawlna kudam siam lo tur leh kudam-a awmsa tawh pawh Kolasib SP-in kalhin, thu Ieh awm hma chuan khawih chet awih a ni Io tih a sawi a ni.