Serchhip – Hnahthial kawng lirthei tlan theih dan siamtha

Hnahthial khaw chhunga National Highway 02 kawngpui a tlakhniam avangin lirthei a kaltlang thei loa, Hnahthial DC leh SP Hnahthial ten ngenna an siam angin leh dan tlawhchhan hmangin Serchhip SP chuan chhim lam pana Serchhip – Keitum – Hnahthial kawng paltlang tum lirthei tan zawm tur a tichhuak.
Zing dar 9.00 atanga tlai dar 5.00 thleng he kawngah hian lirthei – medium motor vehicle (MMV) leh heavy motor vehicle (HMV), chhim lam pana Hnahthial khaw chhung paltlang turte tlan khap a ni a. Hemi hun chhung hian heng MMV leh HMV tan Serchhip Sailiamkawn – Thenzawl – Lunglei kawng a zawh theih ang.
He thupek hian rikrum thil, emergency duty leh tul dang avanga phalna la te a huam lo a. Thupek hi 2024 July 13 atanga chhiarin thla khat chhung hman tur a ni. Thupek zawm lo chu MV Act Section 179 hmanga hrem an ni dawn tih a sawi a ni.