Paris Games Opening Ceremony A him chiah ang em?

Middle East buaina leh Ukraine ram chhunga indona kal mek avang te, firfiak pawl Thenkhatin Paris 2024 Olympics Games tihbuai tuma vauna an tichhuah avangtein French sawrkar chuan kumin hian inralrinna leh venhimna (security alert) chu level sang berah a dah chho a; Games laia Paris a him ngei theihna’n French police leh security force mi leh sa 45,000 vel rawih an ni dawn a, a ram mite bakah hian foreign security official sang chuangin venhim hna pui turin Paris an thlawklut bawk dawn a ni.
Drone hmanga beihna awm thei leh firfiakte vauna avangin opening ceremony bik venghim tur hian security agent leh military mi leh sa 35,000 chhawr an nih tur thu kumin May thla daih tawh khan Interior Minister Gerald Darmanin chuan a sawi.
April thla khan President Emmanuel Macron pawhin Seine luipui chunga Olympics ceremony nghah a nih dawn avangin hun dang aiin France a inpuahchah nasat a ngaih thu a lo sawi ve tawh bawk.
Macron sawi zel danin, venhimna lama samkhai zawkna ngaihtuahin Eiffel Tower hmaa an kawtkai hmingthang Paris Trocadero square emaw an khelmual ropui ber Stade de France stadium emaw chu opening ceremony nghahna atana tinzawn theih a ni a, mahse, a khirh zawk ngial dawn chungin Seine luipui chung an thlang ta zawk a ni.
A ram Thenawm Ukraine run mektu Russia chu Paris Games tluang lo hle se, firfiakte’n harsatna siam se tih duh ngawih ngawiha puh an ni a, he puhna hi Kremlin chuan hnawlin, behchhan awm lo puhna niin a sawi.
February 2022-a Russia-in Ukraine a run hnu khan International Olympic Committee (IOC) chuan Russia leh a thurualpui Belarus aTanga chhuak infiammi (athlete) tawh phawt chu international competition-a tel ve phalsak loh ni se tiin a rawt zet a, a hnuah he ram pahniha infiammite chu an ram behchhan loin neutral athlete anga tel a phalsak leh ta zawk a ni.
Russia leh Belarus aTanga Paris Games-a tel tura tlingte chu IOC ruat three-member panel lamin tehfung siamsa hmanga an endik hnuah Olympic hmachhawn turin an tlang thei chauh dawn a; an tehna zingah chuan Ukraine indona an thlawp lo tih an nemnghet thei tur a ni a, Ukraine dotu ram pahnih military or security agency-te nen inbiakna leh inzawmna an nei tur a ni lo tih a tel.
Russian and Belarusian athlete-te hian team competition phei chu an hmachhawn thei dawn lo hrim hrim a, mimal inelna lamah neutral infiammi ni chungin an tel thei chauh ang a, tah pawh chuan an ram flag leh hnamhla an pholangin an sa thiang dawn lo a, opening parade-ah an tel lo bawk ang.
He’ngte avang hian Russia chu Paris Games tluang lo se, firfiak tute’n emaw tibuai mup mup se tih duh hlea ngaih an ni a, IOC pawh an dem na hle a, inthliabikna kalpuiah leh Ukraine nen inthuruala anmahni ram pahnih phiarruah an puh hial a ni!

Paris 2024: A hun, infiamna leh a hmunhma

Opening ceremony: 26 July, River Seine
Archery: 25 July to 4 August, Invalides
Artistic gymnastics: 25 July to 4 August, Bercy Arena
Artistic swimming: 5-10 August, Bercy Arena
Athletics: 1-11 August, Stade de France (track & field), Trocadero (race walks), Invalides (marathons)
Badminton: 27 July to 5 August, La Chapelle Arena
3×3 Basketball: 30 July to 5 August, La Concorde
Basketball: 27 July to 11 August, Pierre Mauroy Stadium (group phase) & Bercy Arena (finals)
Beach volleyball: 27 July to 10 August, Eiffel Tower Stadium
Boxing: 27 July to 10 August, North Paris Arena & Roland-Garros Stadium
Breaking: 9-10 August, La Concorde
Canoe slalom: 27 July to 5 August, Vaires-sur-Marne Nautical Stadium – White water
Canoe sprint: 6-10 August, Vaires-sur-Marne Nautical Stadium – Flat water
Cycling BMX: 30 July to 2 August, La Concorde (freestyle), BMX Stadium (racing)
Cycling mountain bike: 28-29 July, Elancourt Hill
Cycling road: 27 July to 4 August, Pont Alexandre III (time trials), Trocadero (road races)
Cycling track: 5-11 August, National Velodrome
Diving: 27 July to 10 August, Aquatics Centre
Equestrian: 27 July to 6 August, Chateau de Versailles
Fencing: 27 July to 4 August, Grand Palais
Football: 24 July to 10 August, Bordeaux Stadium, Geoffroy-Guichard Stadium, La Beaujoire Stadium, Lyon Stadium, Marseille Stadium, Nice Stadium & Parc de Princes (finals)
Golf: 1-10 August, Le Golf National
Handball: 25 July to 11 August, South Paris Arena (group stage), Pierre Mauroy Stadium (knockout phase)
Hockey: 27 July to 9 August, Yves-du-Manoir Stadium
Judo: 27 July to 3 August, Champ-de-Mars Arena
Marathon swimming: 8-9 August, Pont Alexandre III
Modern pentathlon: 8-11 August, North Paris Arena (ranking round), Chateau de Versailles
Rhythmic gymnastics: 8-10 August, La Chapelle Arena
Rowing: 27 July to 3 August, Vaires-sur-Marne Nautical Stadium – Flat water
Rugby sevens: 24-30 July, Stade de France
Sailing: 28 July to 8 August, Marseille Marina
Shooting: 27 July to 5 August, Chateauroux Shooting Centre
Skateboarding: 27 July to 7 August, La Concorde
Sport climbing: 5-10 August, Le Bourget Climbing Venue
Surfing: 27 July to 4 August, Teahupo’o, Tahiti
Swimming: 27 July to 4 August, Paris La Defense Arena
Table tennis: 27 July to 10 August, South Paris Arena
Taekwondo: 7-10 August, Grand Palais
Tennis: 27 July to 4 August, Roland Garros
Trampoline gymnastics: 2 August, Bercy Arena
Triathlon: 30 July to 5 August, Pont Alexandre III
Volleyball: 27 July to 11 August, South Paris Arena
Water polo: 27 July to 11 August, Aquatics Centre, Paris La Defense Arena
Weightlifting: 7-11 August, South Paris Arena
Wrestling: 5-11 August, Champ-de-Mars Arena
Closing ceremony: 11 August, Stade de France