Thisen khal tihdal nan rul tûr venna
Thisen khal tihdal nana damdawi hman tlanglawn tak leh man tlawm tak chu cobra tûr ven nana tha tak a ni thei tiin Australia, Canada, Costa Rica leh UK scientists te chuan an sawi.
Africa, South leh South East Asia a low leh middle-income ramah te rul chuk vangin kum tinin mi 138,000 velin nunna an chanphah thin a ni.
Chumai bakah mi 400,000 vel te chuan rulin a chukna hmun tissue te chu a thihzuia a dum hlen tak avangin necrosis an nei zui thin bawk.
Africa leh India bikah Cobra te chu mihring chuk nasa ber an ni a. Cobra tur thenkhatte chu Heparin in a neutralise thei a ni.
Mahse he damdawi hi rul chuk zawng zawngah a tha vek lo thung a, mahse scientists te chuan tuna antivenom man tam tak te ai chuan hman theihna tam zawk tiin an sawi a. He damdawi hi chaichimah enchhin tawh niin mihringa enchhinna kalpui leh tur a ni dawn a ni.
Prof Greg Neely, University of Sydney chuan, “Kan thil hmuhchhuah hian cobra ina chuk avanga necrosis awm nasa takin a tihniam dawn a, tur a tichak lo dawn a, chu chuan damkhawchhuah theihna a tisang dawn ni” a ti a.
“Biological agent heng venom leh toxins te hi chuan host side atanga puihna a mamawh thin a, chutak chu hriatfiah tuma kan zirchian chu a ni” tiin a sawi.
“Tunah chuan species hrang hrang atangin tur kan la khawm ang a, chu chu human cells te nena inpawhtir an ni ang. Science thlirna atang chuan rul tur leh cells te an inkhawihtawn thei dan kawng li nga vel kan hretheiin kan ring a, chumi hnuah universal antidotes kan siam theih kan ring a ni.
“Tuna cobra antidote kan hmuhchhuah thar pawh hian khawvel huapa rul chuk avanga ram rethei ber bera nunna chan tam tak a chhan theih kan beisei a ni” tiin a sawi.
Lead author, PhD student Tian Du, University of Sydney chuan hmasawnna nasa tak a nih thu sawi bawkin, “Heparin hi a man tlawm a, a tam bawk a, World Health Organization-listed essential medicine ani” a ti a.
“Mihringa enchhinna a hlawhtlin hnuah chuan rang takin man tlawm leh him bawk siin cobra chuk laka him nan semchhuah theih a ni dawn a ni” tiin a sawi.