TKP din champha hmang

Baptist Church of Mizoram hnuaia Thalai Kristian Pawl (TKP) chuan July 30 khan a din champha vawi 73-na a lawm a. Thupui ah “I Pathian tawk turin inpeih rawh” (Amosa 4:12) tih a hmang.
TKP Day hi kumtin hman a ni a. Kumin pawh Unit tam zawk chuan zingkarah vantlang hmun leh biak in leh a chhehvel tifaiin an thawkchhuak a; an awmna venga thlan lai lawka hnatlang leh heh haw chhawlhalte tana thingpui/ theitui in tur sem an awm bakah sum leh pai, ei leh in turte home/ hospital-a pe an awm bawk. Zan lamah TKP Day lawmna inkhawm neih a ni a, thupui awmsa hmanga tawwngtairual niin, thawhlawm lakkhawm hi MTKP-a chhunluh tur a ni.
TKP Day puala tawngtairuala thupui zingah – kan ramah sawrkar tha a awm theih nan, ruihhlo ngaite leh a zuartuten an sim theih nan, TKP member-ten hriselna tha tak nei chunga rawngbawl hna an thawh theih nan, tihte a tel a ni.
1951 July 30 zanah TKP hi din a ni a. ‘Thalai Krsitian Pawl’ tih put tir tura rawt hmasa bertu hi Zosap missionary Pi Reii (Mrs. FJ Raper) a ni. Tunah hian TKP member 48793 a awm mek.