Khualzinte thlenna hmun endik dawn

Public Health Engineering department leh Tourism department Kolasib district tangdun buatsaih, Swachhata Green Leaf Rating in Hospility Facilities Committee thutkhawm hmasaber chu an chairman, district bawrhsap Robert C Lalhmangaiha kaihhruaiin Thawhlehni khan neih a ni.
Sawrkar laipuiin khualzin thlenna – hotel, lodge, homestay leh dharmshala an enkawl danah leh a ruhrel an indin dan, faina leh thianghlimna kawnga an chet dan, mipui hnena zirtirna kalpui dan leh faina leh thianghlimna kawnga chin dan phung dang an kalpui dan endik dan tur sawiho a ni.
Rating system kalpui dan tur hi thuang thum- orientation phase, voluntary declaration phase leh verification phase-a then a ni a. District Level Committee leh Verification Sub-Committee din dan tur sawiho a ni bawk.
Kolasib district huamchhungah hian mimal leh sawrkar enkawl khualbuk 36 vel awm a; heng hi endik a ni dawn a ni.
Swachhata Green Leaf Rating hi Department of Drinking Water and Sanitation leh Ministry of Tourism-in ‘Travel for Life Campaign’ hnuaia hmalakna thar a ni a. Khualzinte chawlh hahdamna /thlenna hmun (hospitality facilities) hrang hranga faina lama kaihhruaina duante an zawm that leh that loh tehna tur a ni. Chawlhbuk thlanchhuahte hi pawl emaw mimal emaw enkawl pawh a huam vek a, tourist-ho hmunhma vawnfai lehzual a nih theih nan ruahman a ni.