NIELIT-in mobile IT lab nei

NIELIT Aizawl chuan Mobile IT Laboratory a nei thar a, Ningani khan Information & Communication Technology minister Dr Vanlalthlana’n a khuhhawng.
Mobile IT Lab hi NECB 2.0 Project (Capacity Building in IECT including training in Digital Skills Set and Current Industry Demanding Technologies for various sections of society in the NE Project) hnuaiah project component pakhat niin, thingtlang leh hmun hrang hranga computer ban phak ve lo te tana zirna hmanrua a ni. Cheng nuai 27 man niin, computer system 16 a awm thei a, internet wifi, projector, portable generator, air conditioner, CCTV, HD DVR, lighting leh a dangtea thuam a ni.
Minister hian he mobile IT lab hmanga training buatsaih, Zuangtui High School-a artificial intelligence chungchang inzirtirna a hawng nghal a. Khawvel thang zelah information technology huangchhungah artificial intelligence (AI) nena mihringte inel tawhna khawvelah zirlaite leh zirtirtute theihtawp chhuah a, thil thar hmuhchhuah kawngah hma la ngam zel turin Dr Vanlalthlana hian a chah a. Amah ngei pawh ICT lama a mikhual loh thu leh, hun rei tak atanga IT lama ei lo zawng thin, tun hnuah AI a hman tangkai thu, thusawi tur leh MoU ziah turte thlengin a siamtir theih bakah hman tangkaina tam tak a awm tih a sawi a ni.
He mobile IT lab hmang hian awareness program hrang hrang – mobile applications for digital payment, eGovernance services, IT applications, cyber security & emerging technologies, basics of computers & office automation, artificial intelligence for education, web development leh NSQF course hrang hrang zirtir tum a ni.