MzSRLM Commercial Centre enpui

Rural Development minister Prof. Lalnilawma chuan Khawzawl district-a MzSRLM Commercial Centre – Puilo leh Chawngtlai khua ami chu Thawhlehni khan a tlawh a. Sawrkar hotute, kuthnathawktute leh khawtlang hruaitute nen tangkai taka hman dan tur leh hmasawnna kalpui dan tur a hmunah an sawiho.
A department chan dang – PHE Khawzawl WATSAN Division pawh Prof. Lalnilawma hian Thawhlehni vek khan a tlawh a. Hmasawnna kal dan a hmunah enfiahin, thawktute nen an sawiho bawk.
Hemi hnu hian minister hian Champhai a pan a, zan a riak ang. Vawiin zingah Khawbung panin Champhai a chhuahsan ang a, Khawbung khawtlangin amah an chawimawina siam a hmanpui dawn a ni.