Adele leh Rich Paul inhual

Adele leh Rich Paul inhual
British zaithiam hmingthang Adele leh American sports promoter Rich Paul te chu kum thum an inzui hnuah inneih tumin an inhual ta.
Adele leh Rich Paul inhual thu hi official-a puan awm lo mah se Munich-a Adele concert-ah Adele hian an inhual tih hriat theih turin a sawi chhuak ta a ni. Adele hi Munich-ah hian zan thum show nei turin a kal a, stadium mipui 74,000 lenna-ah show hi neiin, chutah chuan fan pakhatin ‘Min nei duh ang em?’ tih thuziak a ken chu Adele hian a riin a chhiar a, “A rem tawh lo,” tiin a kutzungtang veilama zungbun chu a tilang va va a, “A chhan chu kan innei tawh dawn,” a ti bawk.
Adele leh Rich Paul te hi 2021 atanga inzui tan tawh kha an ni a, Adele hi a pasal hmasa Simon Konecki nen inthenin, Britain atangin US-ah a inbengbel ta deuh a, hetah hian personal trainer ruaiin, a rihna pawh a tihniam ta vak a, mithar ang maiin a rawn silm nalh ta zaih mai a ni.
Rich Paul nen hian basketball inkhel te an en dun ta zauh zauh a, chumi hnuah an inzui thu an puang ta a, 2022 BRIT Awards-ah khan Adele hian zungtang veilamah lunghlu zungbun thar a rawn bun chhuak a, heta tang hian an inhual a nih rinna a lian ta a, tunah chuan a chiang ta a ni.