Sawrkar tan chaw ngheiin TKP member tawngtai dawn

Mizoram Baptist Kohhran thalai chu Mizoram sawrkara thawktute tan chaw ngheiin an tawngtai dawn.
Mizoram Thalai Kristian Pawl Rorel 2024 chuan “Sawrkar tha kan neih theih nan, Pathianni tlai vawikhat chawnghei tawngtai neih nise” tiin thu a pass a. MTKP Executive Committee chuan hei hi ngaihtuah zuiin, August 18 (Pathianni) tlai hian TKP Unit tinah chawnghei tawngtai nei turin ruahmanna a siam.
Tawngtai thupui siamin unit tinah heng thupui hmang hian a rualin chawnghei tawngtai neih a ni dawn a. Tawngtai thupui tur chu – chief minister, minister leh MLA ten dikna tungding zel tura huaisen taka hma an lak theih nan; sawrkar hnathawkten ngaihtuahna thianghlim tak nen ram rawngbawl hna an thawh theih nan; mipuiin ram hruaitute kan thawhpui theih nan khua leh tui tha ni tura sawrkarin thupek a chhuah leh dan a zamte tha taka kan zawm theih nan; kohhranin sawrkar tha kan neihna kawngah theih ang anga sawrkar an thawhpui theih nan, tih te a ni a. TKP member-ten sawrkar tha neih theihna tura huaisen taka an din theihnan, tih a tel bawk.