Football titi

C Manchester United leh Everton te chu England defender Jarrad Branthwaite chungchangah £60m in an indawr thar leh. (Football Insider)

C Manchester City chuan kum 28 mi England midfielder Kalvin Phillips chu loan in chhuahtir an phal a. Ipswich, Everton leh Fulham ten lak tumin an ngaihven hlawm. (Manchester Evening News)

C Nottingham Forest chuan Paraguay striker Ramon Sosa chu Argentine club Talleres atangin an la fel thei tep tawh a. Kum 24 mi manah hian £11m vel bawr an seng ang. (Telegraph – subscription required)

C Aston Villa, Fulham leh Crystal Palace te chu kum 25 mi Chelsea centre-back Trevoh Chalobah lak tumin an inel hlawm. (Football Insider)

C Tottenham striker Dane Scarlett chuan Championship club Oxford United chu loan in a zawm hmel. Scarlett hian Tottenham Hotspurs tan vawi 10 a lo khel ve tawh. (Telegraph – subscription required)

C Brentford chuan Chelsea leh Manchester United ten an vil England striker Ivan Toney man an chhiarna zatah an la ding reng a, an chhiarna zat £60m an la sawhsawn lo. (Independent)

C Ajax chuan Arsenal leh England goalkeeper Aaron Ramsdale an ngaihven. (Sky Sports)

C Arsenal chuan kum 23 mi Espanyol goalkeeper Joan Garcia lak an rilruk. Gunners hian Ajax in loan a Ramsdale hawh an dilna an hnar a. Arsenal in an hnar hnuin Dutch club lian hian a ngheta Ramsdale lak mai an rilruk. (Mail)

C Real Madrid chuan Saudi Pro League club atangin Brazil forward Vinicius Junior dawrna hrawl tak dawng pawh ni se chhuahtir an tum chuang lo a. Vinicius Junior hi khawvela player manto ber ni tur pawhin an hralh phal lo. (AS – in Spanish)

C Al-Ittihad chuan France midfielder N’Golo Kante chu West Ham leh Atletico Madrid te nen sawi zawm ni bawk mah se an hralh phal lo. (Fabrizio Romano)

C An forward Dominic Solanke-a’n Tottenham Hotspurs an zawm tak vangin Bournemouth chuan kum 25 mi Arsenal forward Eddie Nketiah chu Solanke hmunruak luahtu atan lak an tum. (Mail)

C Brighton chuan French defender Olivier Boscagli lak tumin an dawr a. Mah se, PSV Eindhoven chuan an dawrna zat hi tlem an ti a, tawktarh an siam mek aia tam an phut. (Eindhovens Dagblad – in Dutch)

C Leicester City chuan £4m a Crystal Palace leh Ghana forward Jordan Ayew lak tumin an dawr. (Mail)

C Chelsea chuan Senegal striker Nicolas Jackson chu kum 2033 thleng an hnena cham turin kum hnih daih contract ziak leh turin an duh. (Telegraph – subscription required)

C Everton in £23.9m bakah pek belh leh theih tura kum 19 mi Brazilian striker Vitor Roque lei an dilna chu Barcelona in an hnar. (Sky Germany)

C Manchester United chuan Barcelona in an chhuah zalen hnua club nei lova awm mek Chelsea leh Spain defender hlui Marcos Alonso lak tumin an ngaihven. (Athletic – subscription required)

C Wales defender Ben Davies chuan club dang pana chhuah tingtang aiin Tottenham a kum khat daih contract a la neih chu hman zawh a tum. (Football Insider)

C Napoli leh RB Leipzig te chuan Atletico Madrid forward Samu Omorodion lak tuma intlansiaknaah hma an hruai fal rih. Kum 20 mi hian Chelsea a zawm teuh hman viau a, an indawrna a tlawlh ta tlat thung. (Football Insider)

C Getafe chuan Tottenham centre-back Ashley Phillips chu loan a hawh an duh. (Sky Sports)

C Premier League club pahnihte chuan Southampton hnenah kum 21 mi Argentine midfielder Carlos Alcaraz chu lak chhuah theih tur chi a ni em tih an zawt. (Teamtalk)

C Brentford chuan Republic of Ireland centre-back Dara O’Shea an la lut fel thei tep tawh. (Telegraph – subscription required)