Yamal-a pa an vit!

Spain football star Lamine Yamal-a pa Mounir Nasraoui chu tunkar Nilaini khan Spain ram hmarchhak lam khaw pakhat Mataro-a an motor park-na hmunah chemtea vih a ni tih La Vanguardia newspaper-in a tarlang.
Chanchinbuin a ziah zel danin, vih a nih hnuah Nasraoui hi Badalona khawpui daifema awm Can Ruti hospital-ah phurhluh nghal niin, a hliam dinhmun endiknaah a ‘serious’ tih a ni a; tualchhung leh regional police lamin invih lai mita hmutute an kawm nual tih tarlan a ni bawk.
Hetih lai hian sports website pakhat Relevo an tih thung chuan official-te thuchhuah tarlangin, Yamal-a pa chu ngaihtuahawm a ni lo a, damdawi in atang pawh hian a chhuak tawh a, in lamah a haw fel tawh niin an tarlang thung!
Soccer wonderkid Yamal hi Barcelona khaw daifema hna thawktu hnam chitin reng inchenpawlhna hmun tuifinsiat kam veng lianpui Mataro an tih hmuna seilian niin, season liamta khan Spanish La Liga lamah khawvel hriat a rawn hlawh tan feih feih a, Germany rama Euro 2024 khelh zawh takah khan player thlir hlawh turte zinga sawilawk a nih ang ngeiin hming a rawn chher ta a ni.
July ni 9 semi-final match-a France an hneh tum khan rawlthar kum 17 mi lek Yamal khan goal pawimawh a khung a, Spain champion theihna kawnga an player langsar leh thawhhlawkberte zinga mi a ni thei.