District-a ruihhlo dona tur rel

Narco Coordination Centre (NCORD) Khawzawl District chungchangah Ningani khan bawrhsap K Vanlalthiana hoin an thukhawm a. MHIP, Family Guidance & Counselling Centre, chief medical office Khawzawl SP office aiawh an tel.
An district-a ruihhlo do nana hmalakna hrang hrang, school-a awareness kalpui tawh dan, department leh tlawmngai pawl tanghoa an thut ho dan thlirlet a ni a. Harsatna tawh, indaihlohna leh mamawh sawi a ni bawk. Hmalakna turah ruahman siam a ni.
NCORD hi kum 2016-a sawrkar laipui Ministry of Home Affairs-in ruihhlo do chungchanga central leh state sawrkar inkara inkungkaihna tha zawk a awm nana duan niin, ruihhlo ngaite tanpuina pek leh ruihhlo laka mipui inven fimkhur zirtir chu a tum ber a ni.