MZU-ah Space Day pual

Mizoram University Department of Physics chuan Zirtawpni khan National Space Day 2024 pualin hun an hmang a. Vansang lam zir tangkaina leh a hmanna pawimawh zia inzirtir a ni.
MZU pro vice chancellor Prof. Prakar Rath chuan a hmanpui a. Ram changkang ni turin vansang lam zir ngaihpawimawh a ngai tih a sawi.
MZU School of Physical Sciences dean Prof. Suman Rai leh Department of Physics senior professor Prof RC Tiwari ten telpuiin thu an sawi bawk a. Mizoram Remote Sensing Application Centre scientist Dr. Lalramdina chu resource person niin, remote sensing leh GIS hmanna leh a hman tangkaina, loneihnaah leh khawpui zauh leh din kawnga hman a nih dan leh nitin nuna hman tangkaina hrang hrang a sawi a ni.