Justin leh Hailey Bieber ten fa nei

Kumin May thla khan Hailey Bieber chuan nau a pai thu Instagram-ah a puang a, tuna chuan fapa an nei ta. Hailey pasal Justin Bieber chuan an fapa ke (foot) leh Hailey kut niawm tak thlalak pawh August ni 23 khan Instagram-ah a post a, naute hming puang nghalin, “Jack Blues Bieber, kan lo lawm a che,” tiin savawm note hmel emoji a dah tel bawk.
May thlaa Hailey, kum 27, in nau a pai thu a puan khan thla ruk mi a pai tawh a, W magazine cover story-ah, “Ka neih dawn thleng pawhin ka thup thei ang, mahse, ualau taka nuamti taka naupai nun hman theih loh kha ka kham a. Thuruk lianpui thup tang tang ang mai niin ka inhria a, nuam ka ti lo. Zalen taka teihawia nun hman theih kha ka duh a ni,” a ti.