SASCI kaihhruaina thar inhrilh

Sawrkarin a din thar State Level SASCI Committee chu an chairman, chief minister Lalduhoma hoin an thukhawm.
Chief minister chuan sawrkar laipuiin SASCI inkaihhruaina thar a siam a, chumi mila state-ten project an thehluh a ngai a. Thehluh theih hun bituk a tlem tawh avangin department an chet thuai thuai a ngai a. Chuvangin Committee siamin rang takin thutkhawm an ko tih a sawi. Sawrkar laipuiin SASCI a kalpui tum dan tlangpui leh a ngaihpawimawh a sawi a. Hnathawh tin chu tha taka vil zui vek a nih tur thu a sawi bawk.
Committee member secretary, Planning secretary Lalmalsawma Pachuau chuan SASCI kaihhruaina thar a sawifiah a. Department-ten hnathawh tur an thehluh an sawifiah bawk. Department hrang hrangin an project/concept thehluh theih hunbi thliah a ni.
Thutkhawmah hian minister – K Sapdanga, Vanlalhlana, C Lalsawivunga, Lalthansanga, PC Vanlalruata, Dr Vanlalthlana, F Rodingliana, Prof. Lalnilawma leh B Lalchhanzova, adviser to CM TBC Lalvenchhunga, MLA leh chief secretary Dr Renu Sharma bakah official-te an tel a ni.