Khawvel mihausa ber Elon Musk ni leh

On Mar 1, 2023 27 0

Elon Musk chu khawvela mihausa ber a ni leh ta a, France mihausa Bernanrd Arnault chu a khum leh ta a ni.
Musk hausakna hi kumina Tesla Inc. stock price 70% laia a san avangin a pung thur thur a. January 6 a Federal Reserve interest-rate tihsan a nih vang leh investor tena hlauhthawn an neih avanga a tlakhniam hnuah a san lehna hi 100% vel laiah a chho leh tawh a ni. Hei bakah hian company te hian electric vehicle tam zawk demand sang zel chu an vanneihpui bawk.
Tesla share hi 5.5% in New York-ah a pung a, hei vang hian Musk a net worth chu $187.1 billoon angain Bloomberg Billionaires Index chuan a chhutsak a, hei van ghian kum 73 a ua French tycoon leh luxury-goods powerhouse LVMH neitu Arnault a hausakna $ 185.3 billion chu a khum zui a ni.
Kum 51-a upa Musk hian kum 2023 ah $137 billion neiin bul atan a chutihrual chuan rang taka a hausakna $200 billion hloh thei hmasa ber a ni zui thung a, tunah erawh khawvela mihausa berah a inhlangkai leh thei a ni. Bloomberg wealth index a pakhatna atanga a tlakna chhan hi thla hnih lai tesla share a tlakhniam vang niin Musk hi Tesla chief executive officer a ni.
Musk hian nikum khan donation a pechhuak hnem hle a, chu chuan a hausakna a khawih danglam lem lo. Nikum August leh December inkar chhung khan 11.6 million Tesla share chu charitable lamah a pe a, a sum pek hlut lam hi $1.9 billion vel a ni.
Tesla investor te chuan Musk chuan nikum October thlaa a lei Twitter chu ngaihsak lutuk tiin an sawisel a, hei vang hian a electric carmaker te chuan harsatna an tawh phah an ti bawk. Mahse, Musk chuan nikum December khan social-media platform-ah amah thlaktu a hmuh hunah a bansan tur thu a sawi zui thung a ni.
Tun thla tir lam khan Musk chuan Twitter finance siam that nan leh CEO thar hnena thuneihna hlan a nih theih nan kum khat tal a la ngaih hial mai theih thu a sawi zui thung.
Kumin February chhung hian Tesla-in an car siam man an tihhniam avangin vehicle demand a san chak phah hle tiin tiin Tom Narayan, RBC Capital Martkets analyst chan a sawi a.
“EV competition sang tak a awm chungin tesla product demand hi a sang reng tho,” tiin Narayan chuan a sawi.
Nilaini atang hian Tesla chuan 2023 investor day a kalpui dawn a, hetah hian company leader te chuan long-term plan an neih te tarchhuakin sawihona neih zui tur a ni bawk.