Kawng chhiain bungraw lakluh nghawng mek

Tunlaiin Mizoram hmun hrang hrangah kawng chhiain mipui a nghawng a, state pawn aanga bungraw lakluh pawh a nghawng an.
Silchar leh Aizawl inkar kawng a chhiat avaangin lirthei an tang nasa a, Aizawlah bungraw lakluh a tlem hret hret tih thu dawn a ni.
Ni tin eichawp thil a lut tlem telh telh a, bawnghnute (amul chi hrang hrang), tel, ni tin mamawh thil a thleng ha lo a, lei tur a awm lo chu a ni lo, lei tur a tlem hret hret.
Bawnghnute laluttu, veng hrang hranga dawrkaite hnena pe hinah pek chhuah tur nei tawh lo an awm a, pakhat chuan bawm (case) khat te tein an semrual.
Bungraw thawnna lam pawh kawng chhia hian a nghawng a, bungraw chah a thlen hat loh avangin bungraw sem tur nei mumal lo an awm.
Bungraw chahna lian pakhat chu Ningani pawh khan an chawl a, hei hi bungrua a thlen loh vang a ni.
Mizoram chak lakna kawngpui pawimawh hi Kawnpui leh Khamrang inkar velah a chhe nasa a, heng laiah hian bungraw phur lirthei an tang nasa; kawng laia lirthei let a awm chang te pawh a awm a, lirthei hi ni hnih ni thum an thang hin nia sawi a ni. Kawnpui leh Thingdawl inkar pawh a chhe hle.
Lirthei an thang rei bakah kawng a chhiat vanga tlan lo, lirthei chawl rih te an awm a, bungraw lakluh hi a tlem hret hret lo thei lo tih thu dawn