ZPM sorkarin nawmchen a tum lo: ZPM |halai

ZPM |halai te’n ZPM sorkarin nawmchen a tum lo niin an sawi a, “vai party zia tak tak kha a rawn lang” tiin Congress party an chhang let.
“Tun hnaiah Congress Party |halai te’n press conference hial kova bangla/quarters luah ve lo Minister, Minister of State leh Adviser to CM mi 10-te’n home furnishing atana cheng nuai 110 an hman dem zawnga an rawn au chhuak chu mipui rilru kawih her tumna-ah kan ngai a, congress vai party zia tak tak kha a rawn lang leh niin kan hria a ni,” an ti.
“Congress sawrkar laia Congress MLA-te’n an chênna in cheina sênso atâna an hman zawng zawng belh khawm chu Rs 32,240,743/- niin, an hun laia nuam tawl sawrkârin heti zat teh meuh mai an chênna in cheina senso atâna an hman laia, tun sawrkara quarters/bangla-a awm ve lo minister te’n an entitle an hman, an mimal thila an hman pawh ni lo, a tlângpuiah phei chuan house guard duty-te riahna tur leh guard duty post sakna tura hmante an rawn sawisel chiam mai hi, Congress party zia dik tak kha term 2 an sawrkar tawh lohnaah pawh a la thi tak tak lo niin a lang a, an harh chhuak zo dawn lo a ang hle,” an ti bawk.
“MNF sawrkar kum 5 (2018-2023) chhûnga MNF MLA-te chenna in cheina atana sum sen chu cheng 3,98,07,503/- teh meuh mai a ni a, an zingah hian term hmasa lama VIP lo ni tawhte pawhin in cheina hi an la nawn bawk a ni,” tiin MNF sorkar lai chanchin an sawi bawk.
“ZPM kaihhruai mipui sawrkara minister-te hian tun hmaa sawrkar lo ding tawhte angin nawmchen an tum ve lo a, he tih rual hian loh theih loh thil heng: vengtu police-te riahna tur, an duty-na tur etc-te hi chu danin a phalsak chinah an tih a ngai a, sawrkar hmasate angin dan pel leh a nuam tawl zawngin ZPM kaihhruai sawrkar a kal ve dawn lo a,” an ti bawk.