Champhaiah HIV/AIDS do beihpui thlak

HIV/AIDS leh mipat hmeichhiatna atanga natna inkaichhawn theih (STI) chungchang inzirtirna beihpui ‘Intensified IEC Campaign – India Fight Against HIV/AIDS & STI’ chu nimin khan Champhai Vengthlang YMA Hall-ah Champhai District Bawrhsap VL Remliana’n a hawng.
He hunah hian HIV/AIDS leh STI lam hawi Debate, Placard Design, Flash Mob dance, Photo Booth Design leh Stall Display hmangin zirlai naupangte tan intihsiakna buatsaih a ni.
Champhai Bawrhsap chuan Kristiannain ziak leh chhiar thiamna min pe a, India rama ziak leh chhiar thiam tam ber pathumna kan ni tawh, a ti a, Chutiang a nih mek lai chuan HIV/AIDS kaihhnawihah erawh chuan a sang ber kan ni tih sawiin, hei hi kan pi leh pute thiam loh vang ni lovin \halai ten nun kan uluk loh vang leh Pathian lam kan hawi tawk loh vang a ni, a ti. Zirlai kalkhawmte chu nun uluk taka hmang turin a chah a, kan ram buaina ni mek HIV/AIDS lakah tuna thalaite an him tlat chuan he natna hi a rem tial tial dawn, a ti. Pathian hre reng chunga nun kan uluk a, ruihhlo leh mipat hmeichhiatna kawnga kan fihlim tlat chuan kan ram hi kan ti dam leh thei tih kan hriat reng a tul a ni, a ti bawk.