Saitual Town Planning \hukhawm

Nimin khan Rural Development Minister Prof. Lalnilawma kaihhruainain Saitual Town Planning & Development Committee vawikhatna an \hu khawm a, Google Earth Map hmanga Boundary Pillar hrang hrang thlirho nghal a ni a, committee chuan he boundary pillar ruahmanna hi a pawm.
Minister chuan Saitual district chu district \hang mek a ni a, a \han zelna kawngah Town Planning mumal tak neih a \ul tih a sawi a. Mipuite hawi khawthawnna tur city park-te, insawizawina hmun open gym-te siam theih ni se, a ti a. Saitual Town cheibawlna kawngah committee chuan mawhphurhna sang tak a nei a ni, a ti.
District Bawhsap, Vice Chairman ni bawk Dr Lalngura Tlau pawhin Town Planning hlawhtling tur chuan VC tih bik awm lova town rilru put a \ul tih a sawi a, chenna hmun leh sum dawnna hmun chu mumal taka thliar hran a pawimawh tih sawi in, kawngpui, mihring kalna tur leh lirthei kalna tur pawh mumal taka siam a \ul a ni, a ti.
Chief Town Planning Officer, UD & PA, Zoduailova Zote chuan khawpuia rem leh rem loa in sak hian chhiatna tam tak a thlen \hin avangin khawpui \han zelna atan Master Plan neih a \ul tih a sawi a. Master Plan-in a tum chu khawpui mawi tak leh chenna tlak tura siam a, a mi chengte pawh inlungrual taka an awm theihna a ni tur a ni, a ti. Chumi tur chuan ramri (boundary) mumal tak siam hmasak phawt a ngai tih sawiin chuta tang chuan hma a lak chhoh zel theih a ni, a ti. Saitual Town Planning hi kum 20 atana duan a ni a, kum 10 hnuah ennawn theih niin hemi chhung hian member ten hmathlir an nei a nih chuan ziaka thlen theih reng a ni tih a sawi.