‘Mizo hnam leh MNF a inzawm tlat’

Minister hlui R Tlanghmingthanga’n Zirtawpni khan Hnam Run inkhawmah thu a sawi a, Mizo hnam leh MNF a inzawm tlat nia sawiin, Pathianin kan hnam hi MNF kaltlangin chhanchhuah a duh a ni, a ti.
“Kan hnam hi a dam tur a ni. Kan sakhua pawh a him tur a ni. Kan hnam hi intodelh turin ke kan pen a ngai,” a ti a, “Kan hnam hi kan party duh dana kaihhruai mai chi a ni lo. MNF hi eizawn nana hman chi a ni lo a, hrehawmna leh tawrhna leh thihna hial pawh tawh theihna hmun a ni a. Kan mimal duh dan tipuitling tura Hnam Run hi kal tur a ni lo. Mi te ber a\anga a lian ber thlengin ram leh hnam tan kan kal tur a ni,” a ti.
“Volunteer-a inpe hmasa ber pawl ka ni. Kan intiamnaah chuan mahni inkalsanin kan chhuak a, thih huamin ram tan ke kan pen,” hnam movement-a an tel chhoh dan leh an hnathawh ropui tak a sawi.