E-roll special drive nei tan dawn

Election Commission of India (ECI) thupek angin vawiin – October 8 atang hian Mizoramah electoral roll special drive neih tan a ni dawn.
ECI hian state tin chief electoral officer (CEO), district election officer (DEO) leh electoral registration officer (ERO) chu kumin October chhunga special drive nei turin a hriattir a. Special Intensive Revision (SIR) neih zawh taka electoral roll-a hming chuang ve lo zingah dan dik taka India khua leh tui, vote nei thei ngei tur paih emaw hmaih palh emaw an awm chuan uluk taka enfiah turin a ti.
Special drive chhung hian BLO tinin SIR neih hmaa electoral roll-a awm si, SIR final electoral roll-a awm ta lo list an siam anga, chu’ng mite chu BLO-in an inah an tlawh chhuak leh dawn. India khua leh tui dik tak chu Form-6 hmanga electoral roll-a luh dil turin an hrilh hria anga, an ni bakah hian, vote nei thar tur, kum 18 tling thar pawh an zawng chhuak dawn a ni.