Chawhmeh fridge-a dah loh chi

Chawhmeh fridge-a dah loh chi
Fridge-ah thlai leh thei kan lei te a that rei zawk nan tiin kan dah thin a, kan chawhmeh lei zawng zawng kan dah lut a ni deuh mai awm e. A thatna tur ni a kan rin laiin, kan chawhmeh thenkhat tan chuan fridge-a dah hi a tha lo zawk tlat mai. Tun tumah hian Times of India health section-in fridge-a dah loh chi chawhmeh ni a an sawi te kan rawn tarlang e.
1. Avocado: Avocado hi a hmin theih nan room temperature (in chhung boruak lum dan tih danglam loh) a ngai a, chuvangin fridge-a kan dah daih chuan a hmin tha thei lo. Kan duh ang tawka a hmin tawh hnuah erawh fridge-a dah a pawi lo.
2. Basil: Basil hnah hi a duk hma em em a, chuvangin pangpar ang maia enkawl uluk a ngai a, frdige-a dah lovin boruak thawlengah pangpar khawi angin, a bul lam tuia chiahin dah tur a ni a, hetia tih hian a tha rei duh zawk.
3. Balhla: Balhla hian hmin nan boruak lum a mamawh a, fridge-a dah chuan a hmin thei lo ang, tin a hmin tawh hnuah pawh fridge-a dah hian a duk hma zawk. Chuvangin boruak thawlengah dah mai tur a ni.
4. Alu: Alu hi fridge-a dah kan awm fo mai a, hei hi tih loh tur a ni. Alu kan dahthat tur chu lehkha emaw net bag emaw a fun a tha ber a, hmun thim lutuk lo leh hmun hul thaah dah tur a ni.
5. Apple: A fresh rei zawk theih nan tiin fridge-ah kan dah deuh vek awm e, mahse, hei hi tih loh tur a ni zawk. Fridge-a apple kan dah hian a ti tuilo thei zawk tlat.
6. Tomato: Fridge-ah kan dah deuh vek ang. Fridge-a kan dah hian a duk duh bakah a taste leh flavour a hloh thei.