Sawrkar laipui ruahmanna UNNATI- 2024 inhrilhfiah

awnna siamna atana ruahmanna a siam zing ami – Uttar Poorva Transformative Industrialization Scheme (UNNATI) 2024 chu Zirtawpni khan Mamitah inhrilhfiah a ni.
UNNATI – 2024 hi kumin March 9 khan ram pum huapah tlangzarh a ni a, 2034 March 8 thlenga kalpui tur niin, kumin atana sum ruahman hi cheng vaibelchhe 10037 a ni. He scheme hnuaia ngaihven theihte chu – tourism & hospitality services (health & wellness tourism), film tourism, ropeways, entertainment parks and rides, heritage property restoration services, healthcare services, IT & ITeS, EV charging stations tech start-ups te a ni.
UNNATI inhrilhfiahna hmanpuitu Mamit district bawrhsap Jacob Lalawmpuia chuan UNNATI scheme chu an district mipui tana tangkai tak tur a ni, tiin, he scheme-in a ken tel leh huam chinte department lama thuneitute zawt hreh lo turin a chah. Mamit district chu sawrkar laipui duhsakna leh tanpuina an dawng nasa a, aspirational district atanga khaichhuah an nih theihna tura ngaihsak leh duat bik an nihna chhawr a, a kaltlang department-ten a hre tur leh a chhawr tur mipui hrilhhriat chu an mawhphurhna a ni tih a sawi.