Assam-ah internet tithi lailawk

September thlaa a tum hnih nan nimin khan Assam chuan internet an ti thi a, hei hi sorkar in Grade-III post exam a buatsaih vang a ni.
Inrinni khan hemi chungchang hi sorkar chuan a lo sawi lawk tawh a, internet thi hian mobile internet/ mobile data leh mobile wifi ho huamin, zing dar 8:30 atanga tlai dar 4:30 thleng, darkar riat chhhung mobile internet hi an ti thi lailawk a ni.
State Level Recruitment Commission (SLRC) for Class-III a an secretary in thuchhuah a siam danin, an state chuan dik leh langtlang taka exam kalpui an duh avanga he thil hi ti an nih thu a sawi a, a thiam leh tling ten sawiselna awm hauh lo tura exam an hmachhawn theih chu an duh dan a nih thu a sawi bawk.
Assam state hian a hmain September ni 15 khan Grade III exam first phase an buatsaihah darkar 3:30 a chanve chhung mobile internet an lo ti thi lailawk tawh bawk.
Exam beitute hi an thahnem hle a, tun tuma mobile internet an tih thih leh tum pawh hian mi 7,34,080 in exam an hmachhawn a ni.