Dan bawhchhia lirthei 393 man

Kumin September chhung khan Aizawl District Transport office chuan lirthei dan bawhchhia 393 an man a, heng mite sum chawi tlingkhawm chu cheng nuai 14 chuang a ni.
Aizawl DTO hnuaia motor vehicle inspestor-ten license leh document dang fel lo, phal bak mihring leh bungrua phur bakah dan bawhchhiat dang nei an awm leh awm loh enin lirthei 3364 an endik a, heng atang hian dan bawhchhia 393 awmin lirthei dang 76 document chu chhan hrang hrang vangin hrensak an ni bawk.
September thla bikah hian dan bawhchhia an man zingah tum dang ang bawkin bungrua phur lirthei te ho (light goods vehicle) an tam leh ber a, 131 niin an sum chawi tlingkhawm pawh a tam ber a, Rs. 5,74,000 a ni. Maxi cab 125 man an ni a, an sum chawi belhkhawm chu Rs. 2,84,500 a ni.
Lirthei 393 te sum chawi belhkhawm hi Rs. 14,53,900 a ni a, a vai hian sawrkar sum bawma lut tur a ni.