Bangalore-a House sak tum sawipui

Bengaluru-a cham mek minister Lalrinpuii chuan Thawhlehni khan Karnataka deputy chief minister DK Shiva Kumar a hmu a. Mizoram House sakna atana Mizoramin ram a neih dan hrilhin, a sakna kawnga thawhho theih dan tur a sawipui.
Deputy CM hian an chief minister pawh a lo sawipui tawh tih hrilhin, theihtawpa thawhho pui an inhuam tih a lo hrilh a ni.
Hemi ni vek hian Karnataka Tribal Affairs secretary Randeep D leh director Yogesh T te chu Social Welfare minister hian a hmu bawk a. Tribal cultural exchange programme neih theih dan tur an sawi ho a ni.
Nilaini khan Lalrinpuii ho hian Karnataka Tribal Affairs director Yogesh T leh a team-te bakah Bangalore Mizo Association hruaituten Mizoram House sakna tur ram hi a hmunah an en ho nghal a ni.