Sanghai a dawr lian pakhatah inbeihna thleng

Sanghai a dawr lian tak pakhatah Lin tia koh, kum 37 mi chuan mi pathum tihlumin, mi 15 bawr velin hliam na tak an tuar.
He inbeihna hi zan lama thleng niin chinese police te chuan an sawi a, hepa hian silai leh hmanraw dang dang hmangin dawr liana awmte chu a bei ta mai niin an sawi.
Heng hliam tuar hote hi rang taka damdawiin panpui nghal nimahse, mi pathumin nunna an chan zui a, mi 15 chu hliam na tak tuarin an awm bawk.
Police te chuan hepa hi an man nghal thu leh, tunhnaia an rama tualthihna thleng dang nen inkungkaihna an nei em tih thlenga an chhuichian tur thu an sawi a, hremna na tak a tawrh ngei tur thu an sawi.
He dawr lian hnuaia tlereuh dawr nghaktu Shi chuan thil thleng chuan a thawn tak zet thu sawiin, engtinnge ka awm pawh ka hre lo, ka bing mup mup a, ka hamhaih hle. Mi tam tak tlanchhia ka hmu a, zawh bik lam pawh nei lovin an darh chum chum a ni, tiin. A him bik pawh chu mak a tih thu a sawi.