Radio 1,257 neiin record a siam

Ram Singh Biuddh, kum 68, Gajraula, Amroha a cheng chuan radio chi hrang hrang 1,257 neiin, Guinness World Records, radio chi hrang ngah ber record a siam. Ram Singh hian a radio collection avang hian record a siam theih inringin, Guinness World Records lam hi rei tak a lo dawr tawh a, tunah chuan Guinness lamin a record siam an pawmpuina an thawn tleng ta a, an website-ah pawh a hming an tarlang ta a ni.
Ram Singh ian radio hi 1400 a nei nain, Guinness lamah record siam nan hian radio te chuan danglamna an nei theuh tur a ni, tiin, duplicate an pawm lo a, hei vang hian a radio neih cu 1,257-ah an pawm sak ta a ni. A hmaa hetiang record siamtu chu M Prakash niin, radio 625 a nei ve thung.