Commerce & Industries-a hna lak tum danah thil felhlel awm – MZP

Commerce & Industries-a hna
lak tum danah thil felhlel awm
– MZP
Commerce & Industries department hnuaia hna lak tum danah thil felhlel a awm ngei nia hria in, Mizo Zirlai Pawl chuan a ngai anga kalpui an phut.
MZP Gen. Hqrs thuchhuak chuan Commerce & Industries department hnuaia assistant marketing inspector post khat ruak hnawhkhah nana 2023 October 6-a advertisement tihchhuah tawh, written exam pawh 2024 July 19-a neih tawh, hna diltu mi 102 atanga mi 10 interview tura koh ten interview tura Commerce & Industries secretary room an thlen tawh hnu ah hna cancel thut a ni tih a sawi a. October 16 ralhma ngeia interview tura koh tawh mi 10 chu a ngai anga interview kalpui a nih theihnan hma la turin an phut tih a sawi.
Hun tiam chhunga hma lak a nih loh chuan a tul angin zirlaite leh thalai hna zawng mekte thlavang hauh turin na zawka hma lak nise tia an rel thu a sawi bawk.
‘Dan zawm kim loh chhuanlama zirlai hna zawng mek mi 100 chuang inbuatsaihna holam taka tithlawn a, hna zawng mekte tihnual thei zawnga Commerce & Industries department thiltih hi sut leh turin department hotute kan phut a. Tute emaw thun tuma hmalakna ni thei tur anga department hmalakna hi chhunzawm lo turin kan ngen a ni,’ MZP thuchhuak chuan a ti a. Commerce & Industries minister pawh a department-a hetiang harsatna thleng hi rang taka hma la turin a phut tih a sawi a ni.