Kawng dinhmun enin MPWD leh NHIDCL hotute thukhawm

On Oct 11, 2024 64 0

Kawng dinhmun enin MPWD
leh NHIDCL hotute thukhawm
PWD minister Vanlalhlana hoin Mizoram PWD hotute leh National Highway & Infrastructural Development Corporation Limited hotute chu Ningani khan an thukhawm a. Lok Sabha MP Richard Vanlalhmngaiha leh MLA T Lalhlimpuia te pawh an tel.
Fur laiin Mizoram mipuiin kawng chhiat avangin harsatna a tawk thin a, a bikin chakkhai lakna ber Aizawl – Silchar kawng chhiat avanga harsatna tunhnaia tawh pawh a hretute vek kan ni tih a sawi.
He harsatna sukiang tur hian tha thlah loa, theihtawp an chhuah chhunzawm zel a duh tih sawiin, chumi tan chuan a tulna apiangah state PWD leh NHIDCL inrawn tawnin, inpuitawn thin turin a ngen tih a sawi a ni.
NHIDCL Regional office Aizawl executive director Virender Jakhar chuan NHIDCL-in Mizorama hna an thawh tawh chin leh an hmabak report a pe a, Aizawl – Tuipang (Tipa) kawng phei chu zaa 90 an thawk zo tawh a, an la thawh lohna hmun tlemte awm pawh NHIDCL kuta ram hlan a nih loh vang a ni tih a sawi.
Kumin June atang khan NHIDCL kutah ram ha awm tawh a, hmabak la awm chu thawh chhunzawm leh theih a ni dawn tih a sawi. “Aizawl- Silchar Road-ah ngawrh taka hna thawh mek zel a ni a, nakum March ral hmain re-surfacing zawh hman tum a ni,” a ti.
Lunglei West bialtu MLA hian Lunglei – Tlabung road dinhmun report pein, NHIDCL executive director hnenah a ranglama hnathawh tur hmabak la awm te thawk vat turin a ngen.