Israel beihna vangin mi 22 in nunna chan

Lebanon chuan ningani zana Israel in van lam atanga a beih thu an sawi bakah, mi 22 in nunna an chan thu an sawi.
Israel hian Hezbollah ho nuai chimih a tumna a la thulh lo tluang zel a, an tawmna hmun Lebanon sorkar pawhin tih theih vak a neih loh bakah, civil mi nunna chan an awm belh zel.
Lebanon chuan ningani zan khan Israel chuan vanlam atanga nasa taka a rawn beih leh thu an sawi a, mi 22 in nunna an chan nghal bakah hliam na tak tak tuar 117 chuang an awm an ti.
Israel hian rocket 190 chuang a hmang nia sawi a ni a, hei hian chhiatna tam tak thlenin, chen in leh lo nei lo tam tak an awm belh leh bawk.
Israel leh Hezbollah ho inbeihna hian reh lam a la pan thei lo zel a, UN chuan remna zawngin ram pahnih hotute biak tum thin mah se, a la tlawlh rih zel a ni.