Chhimthlang lam khawchin a zia deuh

Chhimthlang lam khawchin a zia deuh
Thawhlehni atanga ruahsur nasa thei dinhmuna ding ramchhung chhimthlang lam Mumbai leh a chhehvel chuan ruahsur nasa tur a pumpelh leh a sawi a ni a, khawchin a zia leh deuh tawh.
Mahse, khawchin thlirna atang chuan tun thla ni 23 atang hian ruahpui dawng thei a la ni tho nia sawi niin, khaw awmdan chu a la thiang kak lo deuh a sawi a ni.
Chhinchhiah danin Mumbai leh a chhehvel hian June atanga September thleng hian ruahtui a dawng nasa thin em em a, chhiatna tam tak tuar thinin, tuilian leh leimin a tam hle thin a. Kuminah erawh October thleng pawhin ruahsur nasa tur hi a la kiang lawk thei rih lo a ni.
Khawchin thlirtute chuan kartawp lam, inrinni vel atang hian ruahsur nasa hi a thleng leh thei niin an ngai a, khawchin hi tunah zia deuh mah se, inralrin erawh a ngaih reng avangin tuipui hnaiha awmte chu fimkhur a tul reng thu an hrilh bawk.