ECI in state pahnih inthlan hun puang

ECI in state pahnih inthlan hun puang
Election Commission of India (ECI) chuan thawhlehni tlai khan state pahniha assembly election neih hun tur an puang.
Maharashtra leh Jharkhand chuan inthlan hi an hmachhawn dawn a, Maharashtra hi November ni 20 ah inthlangin, assembly election nei tur pakhat zawk Jharkhand chu thawh hniha inthlang tura tih an ni a, November ni 13 leh ni 20 ah inthlangin, heng state pahnih inthlan result te hi November ni 23 ah puan a ni dawn a ni.
Hriat theih chinah INDIA (Indian National Development Inclusive Alliance) bloc te chu heng state pahnih inthlang turah te hian an la thawk ho tluang zel dawn nia sawi a ni a, National Democratic Alliance (NDA) lam pawhin beihpui an thlak nasa hle tawh bawk.
A bik takin Maharashtra leh Jharkhand assembly inthlang tur hian nakkum a ramchhung hmun laili inthlang tur ho thlengin a nghawng dawn nia sawi a ni a, Haryana-ah exit poll lama langsar lo tak ni chunga BJP in sorkar na an chan leh tak hnu phei chuan ramchhung media te rintawk lohna leh state pahnih inthlang turin a hril thui ring an tam sawt tawh hle a ni.