World No. 7 Han hnehtu Sindhu
Denmark Open Super 750 badminton tournament khelh mekah Ningani khan world number 18 PV Sindhu chuan 18-21 21-12 21-16-in world number seven Han Yue of China a hneh a, kumin May thla Malaysia Masters final-a Han bawk a hneh hnua top-10 player a hneh leh vawikhatna chiah a ni.
Two-time Olympic medallist Sindhu hian head-to-head record-ah Han hi a chaldelh hle a, vawiriat an intawn tawhah vawisarih chakin, Chinese hi vawikhat chiah a la chak!
World champion hlui Sindhu hian a coach chhawr lai a ban hnuin tunah hian Lee Hyun-il leh Anup Sridhar-te nen an thawkho mek a; kum 2015-a finalist a lo nih tawhna Denmark ram tournament-ah hian Indian player dam awmchhun ni tawhin, quarter-final-ah Indonesian Paris Olympic bronze medallist Gregoria Mariska Tunjung leh Denmark player Mia Blichfeldt inkhela chak zawk zawk nen an intum dawn a, hei hi kumin chhunga a quarter-final match vawilina tur chauh a la ni.
Malaysia final baka kum 2024 kal meka last eight a luhna dang pahnih chu French Open leh Spain rama Madrid Masters-te kha a ni.
Olympic hnuhnung pathuma a vawikhatna atan Paris-ah khan Sindhu hian medal a awrh zo lo a, tournament dangah pawh beisei a pha lo.
World No. 7 Han hnehtu Sindhu
Get real time updates directly on you device, subscribe now.
Prev Post
Next Post