MZU-ah bachelor zir theihna siam

Integrated Teacher Programme (ITEP) B.Sc. B.Ed leh B.A. B.Ed zir theihna chu Mizoram University-ah siam a ni a, Thawhtanni khan hawn a ni.
Hmanpuitu MZU vice chancellor Prof. Dibakar Chandra Deka chuan ITEP chu sawrkar laipuiin a a hmatheh lian tak – National Education Policy 2020-in a kentel zinga pawimawh tak a ni, tiin, ITEP hmang hian zirna quality tha leh thangtharte inzirtirna tha pek chu a tum ber a ni, tih leh, khawtlang tha zawk din kawng thlengin a pawimawh tih a sawi.
MZU Department of Education head Prof. Loknath Mishra chuan MZU chu ITEP kalpui thei university thlanchhuah zingah telin, academic session 2024- 2025 hian BA. B.Ed leh B.Sc B.Ed kalpui tan tawh an ni a; B.Com B.Ed pawh session tharah kalpui tawh tura beisei a ni tih a sawi.
NCTE Eastern Regional Committee chairman Prof. Dibyajyoti Mohanta chuan ITEP zirlaite hian an subject huangchhung chauh ni lo, zirtirtu hna an thawhna tura zirna in a kentel zawng zawng zirtir thei tur a thiamna neih chu a tum ber a ni tih a sawi.