Tum khata ui kai hnem record siam

|um khata ui kai hnem record siam
Canadian Mitchell Rudy chuan tum khatah ui 38 kaiin, km 1 dawn a thui a kalpui a, Guinness World Record-in tum khata ui kai hnem ber record an hlan. A hmaa hetiang record chu Goesan, South Korea-a an siam niin, ui 36 a kai ve thung.
Tun tuma Rudy record siamna ui 38 te hi Korean K9 Rsecue shelter ten an hmantir niin, Rudy chuan, “Heng ui te hi hmun hrang hrang atanga lakkhawm an ni a, a then chu mill industry ami an nih laiin a then chu ui chuangtlai, khawlai ami te an ni. Heng ui te hi KK9R ten an chhanchhuah an ni. Ui duhawm tak tak an ni a, chenna tur leh enkawltu tha leh hmangaihtu an mamawh a ni,” a ti.
Rudy hian dog adoption chungchang awareness atan record hi siam a nih thu a sawi a, “Heng ui te hi anmahni tawka champion nih tir vek kan duh. Ui tha tak tak an ni a, chenna tur in an mamawh a ni,” a ti.
Rudy hian heng ui 38 te hi metre 956 a thui a kai khawm a ni.