Saruaka awm hian \hatna a nei!

I hnathawk zo in i’n thleng chiah hi i thawmhnaw phelh a, inbual nghal sar sar te i chak thin em? Nipui lai phei chuan chutiang ngaihtuah ringawt pawhin a tiharh sawng sawng thei pawh hi a lo mak lo e, Times of India health section-in a tarlan danin saruaka awm te pawhin hriselna lamah thatna a lo nei tlat mai!
1. Mumbai-a dermatologist Dr Satish Bhatia chuan zing ni chhuah hlima minute 10-15 vel thawmhnaw ha mumal lo a ni lum ai hian Vitamin D kan taksaah a insiam hnem a, mi a tiharh vang thei niin a sawi. Doctor chuan ni zung tha lo vangin kan vun a chhiat kan hlau a, sunscreen kan hmang nasa a, mahse, ni zung vanga chhe tur khawp chuan ni sa hnuaia rei deuh ngial awm a ngai niin a sawi bawk.
2. Vun te hian hawi thawven an mamawh ve a, thawmhnaw tight taka kan khuhbo reng te hian kan vun a tichak lo thei- kan thlan chhuak atanga thil tha lo te chu kan vunin a lo hip lut leh a. Saruaka thlan tla zawih zawiha awm te hi vun tan a tha hle.
3. Thawmhnaw mar tak tak kan hak te hian, a bikin bra leh kekawrte tight deuh hak te hian thisen luang a tibuai thei. A khat tawka saruaka awm hi kan blood circulation tan a tha hle.
4. Ke lawnga kal leh tlan te hian kum upat hnua Alzheimer natna risk a tihniam thei niin an sawi a, mithiam ten zirchianna an neihah ke lawnga kal hian thluak a tichak thei niin an sawi. Mumbai-a general physician Dr Sunesara chuan kan kephah leh thluaka neuron te an inzawm vek a, ke lawnga kal hian an inzawmna chu a tichak niin a sawi.
5. Kan thawmhnaw hak te thlan tuiin a bual huh hian bacteria tan inthlah punna tha tak a chang thei a, chu chuan infection chi hrang hrang a thlen thei. Saruaka awm hian fungi leh bacteria hlauhawm kai theihna risk a tihniam thei.
6. Hnuailam thawmhna tight tak hak hian serh bawr vela thisen luang a tibuai thei a, underwear tight deuh emaw low waist jeans te hian serh bawrah direct takin pressure a siam a, chu chuan muang changin, kan hriat loh laiin nerve receptor a tihlum a, sperm count titlemin, chi thlah theihna lamah kan hniam phah thei.