Ram pum huap intihsiakah MZU MassCom pakhatna

Ram pum huap intihsiakah
MZU MassCom pakhatna
India ram pum huap, chhiatrupna lam hawi film tawi insiamsiakah Mizoram University Department of Mass Communication chu pakhatna a ni.
National Institute of Disaster Management huaihawtin October 23 khan New Delhi-ah International Day for Disaster Risk Reduction Day hman a ni a. Union minister of state for Home Affairs Nityanand Rai chuan a hmanpui. Thupui thlan sa – “Empowering the next generation for a resilient future” tih chu zirho a ni.
He ni denchhen hian intihsiakna hrang hrang, ram pum huapa siam a ni a. Disaster and risk management lam hawi film tawi intihsiakah Department of Mass Communication MZU hian pakhatna hlan a ni. Mass Comm department aiawhin head of department Prof. Irene Lalruatkimi chuan Union minister of Culture & Tourism Gajendra Singh Shekhawat hnen atangin lawmman hi a dawng a. Lawmman hian cheng nuai hnih leh thuziak a kengteli.
He ni hmang hian Mizoram atangin Disaster Management & Rehabilitation director Vanrengpuia leh MZU Department of MassComm leh Department of Disaster Management atangin an kal a ni.