State huap zirlai quiz inelnaah Maraland Academy pakhatna

State huap zirlai quiz inelnaah
Maraland Academy pakhatna
Maraland Academy Saiha zirlai Margareth T Lalrinhlui leh V Buirangsang chu 2024 State Level Red Ribbon School Quiz intihsiakah pakhatna an ni.
HIV/AIDS chungchang school naupangte hnena zirtirna atana buatsaih he inelnaah hian Presbyterian English School, Khawzawl Vengthar chu pahnihna an ni a, Govt Mizo High School Aizawl chu pathumna an ni.
Kumin September khan Mizoram district 11-ah district level inelna neih a ni a; district tina pakhatna theuh inelin October 23 & 24 chhung khan state level-a inelna hi neih leh a ni.
Pakhatna Maraland Academy Saiha hi NACO (National AIDS Control Organisation) buatsaihin hmarchhak state ho (regional level) intihsiakah an tel anga, pakhatna an nih chuan rampum huap intihsiakah Mizoram aiawhin an tel ang.
Nikuma he inelna buatsaihah khan Presbyterian English School Republic Veng chu rampum huap intihsiakah pakhatna an ni.