Mumbai-a Mizoram House sakna tura harsatna bawhzui

Mumbai-a Mizoram House
sakna tura harsatna bawhzui
Mizoram Lok Sabha MP Richard Vanlalhmangaiha chuan October 21- 24 chhung khan Mumbai a tlawh a. A cham chhung hian Mizoram House hmun thar tur Navi Mumbai ami a tlawh.
Navi Mumbai-a hmunhma hi Mizoram House sakna tura ruahman tawh a ni a, a satu tur thlanfel vek hnuah pawh chhan hrang hrang vangin kum tam tak sak theih lohin a awm a, sa tura Mizoram sawrkain inremna a lo neihpui tawh (real estate builder) US Roofs Ltd. hotute a hmu a, harsatna an neihte a sawipui. Helai ram petu City and Industrial Development Corporation of Maharashtra Limited vice chairman leh managing director Vijay Singhal pawh a office-ah a hmu a, Mizoram sawrkarin harsatna an tawh dan a thlen a ni.
MP hi Maharashtra chief minister chenna inah kalin, Mizoram chief minister-in lehkha a thawn chu hlanin, House sakna tur hmun chungchanga Mizoram sawrkarin harsatna a tawh thinte a theih anga tanpui tura a dilna a ni.
MP hian Mumbai Parel Venga Mizoram House tlawh bawkin, damlo awmte sumfaiin a kan a. Mumbai-a damlohna avanga inenkawl mek ex-MP C Lalrosanga a tlawh bawk.