November ralhma in tui sem that leh theih beisei

November ralhma in tui sem that leh theih beisei
PHE department chuan an khawl chhia thawmthat a nih hnu ah kumin November ral hma in mipui hnenah a pangngaiin tui sem theih an inbeisei tih an sawi.
Aizawl khawpui chawmtu tui lakna, Greater Aizawl Water Supply Scheme Phase I & II Tlawng lui chu Zirtawpni khan PHE minister Prof. Lalnilawma’n a tlawh a. A hmunhma fangin tui pump dan a endik a, Tlawng lui lianin pump house a tihbuai tawh lohna tura ruahmanna siam mek a enfiah bawk.
PHE department hotute chuan, fur laia Tlawng lui lianin pump house leh an hmunhma a tihchhiat nasat vanga tui pump a khaihlak tawh lohnan pump house chhuat metre 2.7-a tih san an tum thu leh ruahmanna pawh an siamfel tawh thu minister hi lo hrilhin, Vertical Turbine Pump pawh tuilianin a chim tawh lohnan a chhuat tih san a nih tur thu an sawi.
Tun dinhmunah tui pump theih thin dan pangngai, ni khatah litre maktaduai 39 an pump leh thei tawh a; November thla ral hma in mipui hnenah a pangngaiin tui sem theih an inbeisei tih department hotute hian an sawi a ni.